БИШКЕК, 26-апр. — Sputnik. Токмокто издөөдө жүргөн киши милицияга өзү келди. Бул тууралуу Чүй облустук ИИББдин маалымат кызматынын кабарлашты.
31 жаштагы Т.Ж. милицияга 25-апрелде саат 18:30да келген. Ал Кылмыш жаза кодексинин "Адам өлтүрүүгө аракет жасоо" беренеси менен айыпталып, издөөдө жүргөн.
2018-жылдын 26-августунда белгисиз адам 36 жаштагы кишиге бычак сайган. Милиция Т.Ж. аттуу шектүүгө издөө жарыялап, сыртынан камакка алуу чечими чыгарылган.
Т.Ж. милицияга келгенден кийин Ысык-Ата РИИБинин убактылуу кармоочу жайына киргизилди. Сотко чейинки териштирүү иштери аткарылып жатат.
