Мелдештин алкагындагы салмакка түшүү иш-чарасы уюмдун YouTube каналына жүктөлгөн.
Алып баруучу Физиевди тааныштыргандан кийин экранда спортчунун аты-жөнү жана Казакстандын желегинин сүрөтү пайда болгон.
Көп өтпөй Физиев бул боюнча Instagram баракчасында түшүндүрмө берди.
"Көбү салмакка түшүү учурундагы Казакстандын желеги тууралуу суроолорду берип жатышат. Ачыгын айтканда, эмнеге мындай болуп калганын өзүм деле билбейм. UFC ката кетиргенин айтты. Колдооңуздар үчүн рахмат", — деп жазган мушкер.
Бүгүн, 20-апрелде боло турчу UFC турниринде Кыргызстандын атынан октагонго Рафаэль Физиев менен Антонина Шевченко чыгат.
Ал арада "Пантера" каймана аты бар Антонина Шевченко менен Sputnik агенттигинин кабарчысы маектешүүгө үлгүргөн.
