Бурулайдын өлүмүнө айыпталган милиционерлерге өкүм чыкты

© Sputnik / Расул УсеналиевСуд по делу допущения убийства Бурулай Турдали кызы в здании Жайыльского РОВД
Суд по делу допущения убийства Бурулай Турдали кызы в здании Жайыльского РОВД - Sputnik Кыргызстан
Жазылуу
Yandex newsTelegram
Кызды ала качан Марс Бөдөшевдин мүлкү конфискацияланып, 20 жылга эркинен ажыратылган.

БИШКЕК, 9-апр. — Sputnik. Бурулай Турдалы кызынын өлүмү боюнча айыпталып жаткан милиция кызматкери Ильич Иманалиев, Эржан Кадышев жана Мирлан Макеевдин ар бири 260 миң сомдон айыпка жыгылып, соттун өкүмү күчүнө киргенге чейин сыртка чыкпоо боюнча тил каттын негизинде жүрөт. Мындай өкүмдү сот ишине төрагалык кылган судья Анаркүл Берюева чыгарды.

Мындан сырткары, жоопко тартылгандар чогулуп, жабыркаган тарапка 100 миң сомдон компенсация төлөп берүүгө милдеттендирилди. Сот мындай чечимин айыпталуучулардын буга чейин кылмыш жоопкерчилигине тартылбаганы менен түшүндүрдү. 

© Sputnik / Расул УсеналиевБурулай Турдали кызынын өлүмү боюнча айыпталып жаткан милиция кызматкери Иманалиев, Кадышев жана Макеевдин ар бири 260 миң сомдон айыпка жыгылып, соттун өкүмү күчүнө киргенге чейин сыртка чыкпоо боюнча тил каттын негизинде жүрөт
Бурулайдын өлүмүнө айыпталган милиционерлерге өкүм чыкты - Sputnik Кыргызстан
Бурулай Турдали кызынын өлүмү боюнча айыпталып жаткан милиция кызматкери Иманалиев, Кадышев жана Макеевдин ар бири 260 миң сомдон айыпка жыгылып, соттун өкүмү күчүнө киргенге чейин сыртка чыкпоо боюнча тил каттын негизинде жүрөт

Сот процесси Аламүдүн райондук сотунда өттү. Анда Кылмыш жаза кодексинин 316-беренеси ("Шалаакылык") боюнча айыпталган Чүй облустук Жол кыймылы коопсуздугун камсыздоо башкармалыгынын эки инспектору жана Жайыл райондук ички иштер бөлүмүнүн үч кызматкеринин иши каралды.

Сотто дагы эки милиция кызматкери  Замир Айткожоев менен Замир Байтереков күнөөсүн жарым-жартылай мойнуна алганын, жабырлануучулардын доосу жок экенин эске алуу менен алардын айыбы жокко чыгарылганы белгилүү болду.

19 жашында жайраган Бурулайдын окуясы кандай болгон. Видеохронология - Sputnik Кыргызстан
19 жашында жайраган Бурулайдын окуясы кандай болгон. Видеохронология
Буга чейинки отурумда Аламүдүн районунун прокурору Бурулай Турдалы кызынын киши колдуу болушуна жол берди делген беш милиция кызматкерин беш жылга кесүүнү жана аларды сот залынан камакка алууну суранган болчу.

Эске салсак, 2018-жылы 28-майга караган түнү Кыргызстанда төбө чачты тик тургузган окуя болгон. 30 жаштагы киши Чүй облусуна караштуу Жайыл районунун ички иштер бөлүмүндө ала качып алган кызын бычактап, кийин өзүнө да кол салган. Бурулай алган жараатынан улам каза болуп, эркек киши ооруканага түшкөн.

20-июнь күнү шектүүнүн баш коргоо чарасы каралып, Бишкектеги №1 тергөө абагына киргизилген. Ал эми 11-декабрда Свердлов райондук сотунун судьясы Санжар Чотонов Марс Бөдөшевдин мүлкүн конфискациялоо менен 20 жылга эркинен ажыраткан

Жаңылыктар түрмөгү
0