БИШКЕК, 9-апр. — Sputnik. №8 троллейбустун салонунан түтүн чыкканын күбө Sputnik Кыргызстан агенттигине билдирди.
Окуя бүгүн, 9-апрелде, саат 14:30да Кривоносов менен Лев Толстой көчөлөрүнүн кесилишинде болгон.
"Троллейбуста бара жатканбыз, бир маалда эле салон түтөп баштады. Жүргүнчүлөр арызданганда, айдоочу май агып жатса керек деп жолун улантты. Бирок түтүн оргуштап чыга баштады. Айдоочу транспортту токтотор замат эл сыртка чуркап чыкты", — деди күбө.
Шаардык транспорт башкармалыгы маалыматты текшерип жатат.
