БИШКЕК, 9-апр. — Sputnik. Шайлоодон кийин стресс болуп, ден соолугумду чыңдап алайын деп үй-бүлөм менен 10 күнгө кеткем. Чет жакта жүргөндө мага Он-Адыр боюнча маселе чыккандыгын айтышты. Бул туурасында саясатчы, "Республика — Ата-Журт" партиясынын лидери Өмүрбек Бабанов Москвада НТС каналына маек берип жатып айтты.
"Мен Кыргызстанга келээр алдында маек берейин деп чечтим. Шайлоодон кийин стресс болуп, ден соолугумду чыңдап алайын деп үй-бүлөм менен 10 күнгө кеткем. Чет жакта жүргөндө мага Он-Адыр боюнча маселе чыккандыгын айтышты. Андан соң менин саясаттагы пикирлештериме куугунтук болду", — деди Бабанов.
Ал эми 2018-жылы сентябрда Улуттук коопсуздук мамлекеттик комитети мурдагы депутат Өмүрбек Бабановго карата бийликти күч менен басып алуу, массалык башаламандык уюштуруу боюнча козголгон кылмыш ишинин тергөө процесси токтотулганын билдирген.
