БИШКЕК, 3-апр. — Sputnik. Жол кырсыгы март айынын аягында Кокон шаарында болгонун "Дарье" басылмасына шилтеме берип Sputnik Өзбекстан жазды.
2018-жылдын 22-декабрында жубайлар Жасурбек жана Муслимахон Мамадкуловдор үч эмдүү болушкан. Алар уулдарынын атын өзбек президентинин урматына Шавкат, Миромон жана Мирзиё деп аташкан.
Мунусу үчүн өлкө башчысы январь айында үй-бүлөгө Cobalt унаасын белек кылган.
Маалыматка караганда, дал ушул автоунаа катышкан жол кырсыгы 31-март күнү 11.15те Кокон шаарында болгон. Сүрөттөрдө унаада "Өзбекстандын президентинин белеги" деген жазуу дагы деле чапталып турганын көрүүгө болот.
— Herolion (@Aslanov_K) 31 марта 2019 г.
Cobalt менен Opel үлгүсүндөгү унаалардын кагышында белекке келген машинанын ичиндеги эки адам жабыркаганы айтылат. Алардын бири үч эмдин чоң энеси.
Фергана милициясы аталган факты боюнча административдик иш козгоду.
