ОШ, 2-апр. – Sputnik. Ош шаарындагы Кулатов кичирайонундагы №11 көп кабаттуу үйдүн жанынан сөөгү табылган эркек кишинин тек-жайы такталганын милициянын маалымат кызматы билдирди.
Ага ылайык, маркум Бишкек шаарынын 39 жаштагы жашоочусу экендиги аныкталды. Бир тууган инисинин айтымында, ал 2016-жылы Москва шаарына иштегени кеткен боюнча дайынсыз болчу. Анын кандай себептер менен Ош шаарына барып, эмне жумуш кылып, кимдер менен жашап жүргөндүгүн туугандары билген эмес.
Белгилей кетсек, Сулайман-Тоо аймактык милиция бөлүмүнө Кулатов кичирайонундагы көп кабаттуу үйдүн жанында белгисиз кишинин сөөгү жатканы тууралуу маалымат түшкөн.
Ыкчам тергөө тобу окуя болгон жерге барганда жашы 40-45тер чамасындагы кишинин денесинде оор жаракат жоктугу аныкталган.
