Тартип коргоо органдарындагы маалымат булагы 1-апрель күнү 22:45тер чамасында кечинде окуяга күбө болдум деп милициянын 102 номерине чалышканын айтып берди. Алар белгисиз үч адам каршылык көрсөткөнүнө карабай күмүш түстүү Mercedes-Benz автоунаасына бир жигитти күч менен салып кеткенин кабарлаган.
Милиция кызматкерлери Чүй проспектиси менен Гоголь көчөлөрүнүн кесилишиндеги жайга барып, видеону алышкан.
"Маалыматтан кийин кишини табуу максатында күмүш түстүү автоунааны издеп баштадык. Андан сырткары, өлүккана менен ооруканаларга чалдык", - деп айтып беришкен милициядан.
Sputnik Кыргызстан бул маалыматтан кийин Бишкек шаардык милициясына кайрылып, окуянын чоо-жайын сураган. Маалымат кызматы бул окуяны 1-апрелде тамашага салабыз деп жасашкандыгын жана аларга айып салынгандыгын айтып беришти.
