БИШКЕК, 2-апр. — Sputnik. Кыргызстандыктар 8-апрель күнү дем алышка чыкпайт. Бул тууралуу Эмгек жана социалдык өнүктүрүү министрлигинен кабарлашты.
Белгилей кетсек, 7-апрель - Элдик революция күнү катары календарда кызыл менен белгиленген. Бирок 7-апрель жекшемби күнгө туура келгендиктен кыргызстандыктар 8-апрель күнү эс алышы керек эле.
"Буга чейин өкмөт дем алыш күндөрдү рационалдуу колдонуу максатында 2018-жылдын 24-декабрында "Дем алыш күндөрдү жылдыруу" жөнүндөгү токтом кабыл алган. Ага ылайык, 8-апрель (7-апрель дем алыш күнгө туш келгендиктен 8-апрелге жылдырылат) 3-январь иш күнүнө жылдырылган. Буга байланыштуу 8-апрелде кыргызстандыктар кадимкидей эле жумушка чыгат", — дешти министрликтен.
Кыргызстандагы дем алыш жана майрам күндөрдүн календары менен таанышыңыз.
