БИШКЕК, 26-мар. — Sputnik. Россия президенти Владимир Путиндин мамлекеттик сапарынын алкагында россиялык конокторду гана эмес, биздин жарандарды дагы таң калтырган салтанат болот. Бул тууралуу маалымат жыйын учурунда президенттин аппаратынын тышкы саясат бөлүмүнүн жетекчиси Данияр Сыдыков билдирди.
Анын айтымында, өлкөдө 2012-жылдан тарта дипломатиялык протокол боюнча жаңы мыйзам иштеп баштаган.
"Көңүлүңүздөрдү Бишкекте өтө турган иш-чарага бургум келип жатат. Ал жаңы форматта өтүп, коноктор да, биздикилер да таң кала тургандай болот", — деди Сыдыков.
Ал ошондой эле бул мамлекеттик сапар жаңы протоколдук практиканын башталышы экенин кошумчалады.
