БИШКЕК, 23-мар. — Sputnik. 24-март, жекшембиде, ала булут каптап турат. Тоолуу аймактарда карга айланган жамгыр жаашы күтүлөт. Батыштан соккон шамалдын ылдамдыгы секундасына 4-9, айрым жерлерде маал-маалы менен 14 метрге чейин жетет.
Кыргызгидрометтин маалыматы боюнча абанын температурасы Чуй облусунда +11...+18, Таласта +14...+16, Ысык-Көл аймагында +10...+15, Нарында +9...+14, Ош жана Баткен облустарында +13...+18, Жалал-Абадда +16...+18 градус жылуу болот.
Ош жана Бишкек шаарларында кыска убакытка жамгыр жаап, абанын температурасы +14...+16 градуска көтөрүлөрү болжолдонду.
