БИШКЕК, 5-мар. — Sputnik. АКШда өлкө тарыхында бир адамга берилген эң ири джекпоттун жеңүүчүсү аныкталды. Бул тууралуу Mega Millions лотереясынын сайтында маалымдалды.
Ага ылайык, билет Түштүк Каролина штатынан былтыр октябрь айында сатылган. 4-мартта лотереянын жеңүүчүсү келип, бирок жашыруун боюнча калууну чечкен. Джекпоттун көлөмү 1,5 миллиард долларды түзөт. Жеңүүчүдө эки тандоо болгон, ал утуп алган акчасын 30 жыл бою аз-аздан алып бүтөт, же 878 миллион долларды дароо колуна алат.
"Жеңүүчү акыркы вариантты тандады. Бул АКШнын тарыхында джекпоттун жеңүүчүсүнө берилген эң ири сумма", — деп айтылат маалыматта.
"Катардагы гана жакшы кадам аны укмуш ийгиликке алып келди", — дейт уюштуруучулар.
Лотереялык комиссиянын директорунун милдетин убактылуу аткаруучу Хоган Браун жеңүүчү салык катары 61 миллион доллар төлөй турганын билдирди.
