Улуттук коопсуздук мамлекеттик комитети 20-февраль күнү Коррупцияга каршы кызматтын өкүлүмүн деп алдап жүргөн кишини кармаган.
22 Бирдин айы 2019, 11:26
38 жаштагы киши өзүн УКМКнын өкүлү катары тааныштырып, Талас облусу боюнча Жол-эксплуатациялык башкармалыгынын №3 аймактык бөлүмүнүн финансы-чарбалык ишмердүүлүгүнө мыйзамсыз негизде текшерүү жүргүзүүгө аракет жасаган.
Анын жанында Коррупцияга каршы күрөшүү кызматында иштей турганын тастыктаган жасалма документи болгон.
Шектүү өзү билдиргендей, документтин үлгүсүн YouTube каналынан көрүп, үйүндөгү принтеринен окшоштуруп чыгарып алган.
Кармалган киши ар кайсы аймактардагы мамлекеттик мекемелерде текшерүү иштерин жүргүзүп келгенин моюндаган. Ал эреже бузууларды таптым демиш болуп, акча талап кылууну көздөгөн.
