БИШКЕК, 22-фев. — Sputnik. Кыргызстандын хорсбол боюнча "Биримдик" командасы Франциянын спортчуларынан 6:4 эсебинде утулуп калды. Бул тууралуу Sputnik Кыргызстан агенттигинин кабарчысы жеринен билдирди.
Аймактык турнир 22-февраль күнү Токтогул районунун Жаңы-Жол айылында өттү. Ага алты жергиликтүү, эки франциялык команда катышкан. Атаандаштардын бир командасы аялдардан түзүлгөн.
"Биримдик" үчүнчү ирет катары менен "Кабылан" командасын утуп финалга чыкты. Быйыл Франциядан келген аялдардын командасы жарым финалда "Кабыландан" утулуп, үчүнчү орун үчүн "Улар" командасы менен ойноодон баш тартты", — деди кабарчы.
Хорсбол — Франциядагы спорттун түрү. Анда баскетбол менен регбинин элементтери камтылган. Болгону оюн ат үстүндө ойнолот. Атаандашынын алкакчасына көп топ таштаган команда жеңишке жетет. Ар бир топто төрттөн киши болуп, 10 мүнөттөн эки тайм ойношот.
