БИШКЕК, 18-фев. — Sputnik. Чек арачылар уурулукка шектелгендерди колго түшүргөнүн аталган кызматтан кабарлашты.
Жалал-Абад облусу боюнча Чек ара башкармалыгына укук коргоочулар тарабынан белгисиз беш адам ЦУМдан алтындан жасалган зер буюмдарды уурдап кеткени тууралуу маалымат түшкөн.
"Эки саат өткөндөн кийин эле "Маданият" көзөмөл өткөрүү бекетинин кызматкерлери Өзбекстанга кирүүгө аракет кылган шектүүлөрдү кармады. Алардын жанынан уурдалган алтын буюмдар табылган", — деп айтылат маалыматта.
Тийиштүү документтер толтурулгандан кийин шектүүлөр милиционерлерге өткөрүп берилди.
