БИШКЕК, 17-фев. — Sputnik. Жаза аткаруу мамлекеттик кызматынын жаңы дайындалган төрагасы Мелис Турганбаев Бишкектеги колонияларды кыдырып, ишин көрдү. Бул тууралуу мекеменин маалымат кызматы билдирди.
Милициянын генерал-майору Мелис Турганбаев ЖАМК төрагалыгына 8-февраль күнү дайындалган.
![Жаза аткаруу мамлекеттик кызматынын жаңы дайындалган төрагасы Мелис Турганбаев Бишкектеги колонияларды кыдырып, ишин көрдү. Жаза аткаруу мамлекеттик кызматынын жаңы дайындалган төрагасы Мелис Турганбаев Бишкектеги колонияларды кыдырып, ишин көрдү. - Sputnik Кыргызстан](https://sputnik.kg/img/104337/65/1043376525_0:0:2363:1486_600x0_80_0_0_a78e553a17eb70ac1aa9509dcd3d7446.jpg)
![Милициянын генерал-майору Мелис Турганбаев ЖАМК төрагалыгына 8-февраль күнү дайындалган. Милициянын генерал-майору Мелис Турганбаев ЖАМК төрагалыгына 8-февраль күнү дайындалган. - Sputnik Кыргызстан](https://sputnik.kg/img/104337/65/1043376540_0:86:2275:1516_600x0_80_0_0_6bcd8de629ae1b90e8fbd1134f13465b.jpg)
![Колонияны кыдырып чыккандан кийин Турганбаев инфраструктуранын объектилеринин абалы жана медициналык жабдуунун жетишсиздигине нааразы болду. Колонияны кыдырып чыккандан кийин Турганбаев инфраструктуранын объектилеринин абалы жана медициналык жабдуунун жетишсиздигине нааразы болду. - Sputnik Кыргызстан](https://sputnik.kg/img/104337/65/1043376533_0:0:2330:1464_600x0_80_0_0_ae6cbc620d228e47f867f901f56ca05c.jpg)
"Алгач жетекчи №47 түзөтүү колониясына барып, аймагын кыдырды. Борбордук оорукананы, диний экстремизм менен террорчулукка айыпталып камакка алынгандарды кармоочу жайды көрдү. Турганбаев камактагылар жана бейтаптар менен сүйлөштү", — деп айтылат билдирүүдө.
Андан соң жетекчи №32 жатак колониясына барганы айтылат.
Сапарынын жыйынтыгы менен Турганбаев жыйын куруп, тез арада аткарылышы зарыл болгон тапшырмаларды берди. Анын катарында №47 түзөтүү колониясынын аймагынан өздүк курам машыга турган спорттук базанын орду үчүн жер бөлүү жана №32 жатак колониясын бейтапкана менен ЖАМКнын госпиталы катары кайра түзүү маселесин кароо бар.