БИШКЕК, 14-фев. — Sputnik. Бүгүн, 14-февраль — китеп белекке берүүнүн эл аралык күнү. Бул майрамдын урматына Кыргызстандагы Россия кызматташтык өкүлчүлүгү менен Бишкектеги Москва үйү Улутук китепканага бир топ китеп белек кылат. Бул тууралуу башкы китепкананын маалымат кызматы кабарлады.
"Россия искусствосу менен живописинин өнүгүшүнө арналып басылып чыккан, мыкты сапатта жасалгаланган китептер Улуттук китепкананын фондусуна соң салым болот", — деп айтылат билдирүүдө.
Китепти белекке берүүнүн эл аралык күнү 2012-жылдан бери белгиленип келет. Аны АКШдагы балдар китеби боюнча сайттын негиздөөчүсү Эмми Бродмур демилгелеген.
