Улуттук коопсуздук мамлекеттик комитетинин кызматкерлери эл аралык "Манас" аэропортунан бомба издеп жатышат. Бул тууралуу мекеменин маалымат кызматы билдирди.
Окуя болгон жерге УКМК менен ИИМдин кызматкерлери тезинен чыгып кетишкен. Учурда шек жаратуучу кандайдыр бир заттарды издөө аракеттери жүрүп жатат.
Ал ортодо социалдык тармактын колдонуучулары аэропорттогу элди коопсуз жайга чыгарып жатышканы тууралуу жазышты.
"Манас" аэропортуна бараткан жолдо бир аз автотыгын бар.
Машины понемногу пропускают. Пробка все ещё есть. pic.twitter.com/v8GrfwrqnT
— Макс Элебесов (@definition45) February 5, 2019
Жүргүнчүлөрдүн видеосу
Улуттук коопсуздук мамлекеттик комитети "Манас" аэропортунан бомба тапкан жок. Бул тууралуу УКМКнын маалымат кызматы билдирди.
Учурда "телефон террористи" табуу аракеттери көрүлүп жатат.
Бомба тууралуу маалымат келери менен аэропорттун бардык имараттары, учактар жана аймак толугу менен тинтилип чыкты. Саат 17:40тан тарта аэропорт кадимки тартибинде иштей баштаган.
Москва жана Новосибирск багыты боюнча каттамдарга каттоо жүрүп жатат.
"Манас" аэропортунун алдындагы учурда абал ушундай.
Рейстен калып калбайлы деген жүргүнчүлөр шашып-бушуп аэропорттун имаратына кирип жатышат.
Эл аралык "Манас" аэропорту саат 17:40та ишин жандантты.
Кабарчыбыздын жеринен билдиришинче, тосмо алынып жүргүнчүлөрдү имаратка киргизип башташты.
Эл аралык "Манас" аэропортунун медайымдары жүргүнчүлөргө жардам берүү үчүн сыртка чыгышты
Милиция кызматкерлери сыртта туруп үшүп калгандар болсо кирип жылынуу үчүн автобус айдап келишти.
Кабарчыбыздын жеринен билдиришинче, аэропорттон чыгарылган кишилерге суу берилип жатат.
Жүргүнчүлөрдүн бири Кубан Сарыгүчүков Новосибирскиге саат алтыда учуп кетмектигин кабарчыбызга билдирди.
Ал аэропорттун ичине киргенге үлгүргөн эмес. Милиция кызматкерлери сырттан тосуп турушкан.
Учурда ал каттамы эмне болоруна кабатырланып жатканын айтты.
Жеринен тартылган сүрөттөр
Кабарчыбыздин жеринен билдиришинче, "Хижины Дяди Тома" эс алуу борборунан аэропортко чейинки жол милиция кызматкерлери тарабынан тосулган. Аэропортко барчу жолдо автотыгын пайда болду.
"Манас" аэропортуна учуп келип жаткан каттамдар кармалган жок. Бул тууралуу аэропорттун маалымат кызматынан маалымдашты.
Расписание боюнча саат 17:05те учак учат
Ал ошондой эле бомба тууралуу билдирүү расписание боюнча учактар учуп, же коно турган учурга туура келбегенин кошумчалады.
Ал ортодо социалдык тармактын колдонуучулары коопсуз жайга чыгарылган жүргүнчүлөрдүн сүрөттөрүн жарыялап жатышат.
Эл аралык "Манас" аэропортунун маалымат катчысы Алия Курбанова бомба туруалуу билдирүү саат 14:41де келип түшкөнүн айтып, жүргүнчүлөр менен кызматкерлер коопсуз жайга чыгарылганын билдирди.
Учурда укук коргоо органдары тийиштүү иштерди аткарып жатат.
