Москва шаарында ишкерди уурдап кетишип, аны бошотуу үчүн 20 миллион доллар талап кылган окуя катталган. Бул туурасында РИА Новости РФтин Тергөө комитетине шилтеме кылып билдирди.
Бизнесмендин уурдалган жана алардан кутулуп чыккан видеосу YouTube каналына жарыяланган.
Окуя 20-январдын кечинде болгон. Акча талап кылгандар ишкерди автоунаага күчтөп отургузуп, Подмосковьеге алып кетип, эркиндиги үчүн 20 миллион рубль сураган.
"Барымтада кармап турган ишкерди акча алып бер деп үйүнө алып келгенде киши алардын колунан бошонуп чыгууга үлгүргөн. Ошол жерде турган жолтандабасына отура калып, өзүн уурдагандардын автоунаасын сүзүп, токтотуп турган", — деп айтылат маалыматта.
Тергөөнүн материалдарында өтүп бара жаткандар ызы-чуу болуп жаткандарды байкап, полиция чакырганы маалымдалат. Окуя болгон жерге келген тартип сакчылары шектүүлөрдүн бирин кармап калууга жетишкен. Видеодо ал ишкер жөөлөп келип сүзгөн автоунаанын ичинен чыга албай камалып калганы көрүнүп турат. Сурак берип жатканда адам уурдаган киши жасаган күнөөлөрүн мойнуна алган. Полиция кылмыштын калган катышуучуларын издеп жатат.
