Радиостудия Sputnik Кыргызстан в Бишкеке - Sputnik Кыргызстан
Радио

Абдрахманов: жоокерлер аскердик кийими жок согушуп жатышты

© Sputnik / Досхан НусупбековЗампредседатель совета ветеранов Баткенской войны в Чуйской области Эдилбек Абдрахманов
Зампредседатель совета ветеранов Баткенской войны в Чуйской области Эдилбек Абдрахманов - Sputnik Кыргызстан
Жазылуу
Республикалык Баткен согушунун ардагерлер кеңешинин Чүй облусу боюнча төрагасынын орун басары Эдилбек Абдрахманов Баткен кампаниясынын алгачкы этабында жоокерлер эски курал-жарак менен душманга каршылык көрсөткөндүгүн айтты.
Абдрахманов: жоокерлер аскердик кийими жок согушуп жатышты

Баткен согушунда кыргыз аскерлерин биринчилерден болуп Россия тарап колдоп, курал-жарактар, аскердик жабдыктар менен камсыздай баштаган. Бул тууралуу Эдилбек Абдрахманов Sputnik Кыргызстан радиосунун Баткен согушунун 20 жылдыгына арналган эфиринде маек куруп жатып билдирди.

Анын айтымында, Баткен согушунда жергиликтүү тургундар дагы кыргыз жоокерлерине эбегейсиз жардам көрсөткөн.

"Үч ай ашууларда, тоолордо болдук. Зардалы айылындагы эки аксакал эсимде калды. Алар бизге аймактын өзгөчөлүгү тууралуу маалымат берип, багыт көрсөтүп жүрдү. Алардын маалыматы бизге чоң жардам болду. Чындыгында биз ал маалда аскердик куралга, жабдыктарга муктаж элек. Кайсы аскердик бөлүк экенин айтпай эле койгонум туура. Бир күнү телевидение келип жоокерлерди тартып калды. Ал убакта жоокерлердин аскердик кийими дагы жок, болсо дагы эски. 1999-жылдын 1-сентябрында ошол кездеги Россиянын премьер-министри Владимир Путин менен биз тараптан Борис Силаев кезигип, расмий түрдө бизге алгачкы курал-жарак, аскердик жабдыктар келе баштады", — деди Абдрахманов.

Ошондой эле ал 1997-2000-жылдары аскердик окуу жайын эрте аяктап, 76 баланын арасынан үчөө Баткен отрядына туш келгендигин кошумчалады.

Жаңылыктар түрмөгү
0