Кыргызстандыктар премьер-министрге бекем ден соолук жана ишине ийгилик каалашты. Ошондой эле андан эл мүдөөсүн аткара ала турган күчтүү команда түзүп, өлкөдө кандайдыр бир өзгөртүү жасарына үмүт артарын билдиришти.
Мухаммедкалый Абылгазиев Нарын облусунун Кочкор районунда туулган. Орто билимди Дөң-Алыш айылындагы Көкөбай Мамбеталиев атындагы жалпы билим берүү мектебинен алган. 1994-жылы ошол убактагы Фрунзе шаарындагы Константин Скрябин атындагы айыл чарба институтун "агроном" адистиги боюнча аяктаган. Экинчи билимин Кыргызстандын Эл аралык университетинен алып, экономика жана бизнес факультетинде окуган.
Атасы да, апасы да Кочкор районунун Дөң-Алыш айылында туулуп-өскөн. Атасы Дүйшөке Абулгазиев Улуу Ата Мекендик согуштун ардагери болгон, бир нече жыл мурда көзү өткөн.
Өкмөт башчы эки уул, эки кыздын атасы. Улуу балдары студент. Эки кичүү баласы Бишкек шаарындагы мектептердин биринде окушат.
