БИШКЕК, 7-янв. — Sputnik. АКШнын киносынчылар улуттук коому 2018-жылдын эң мыкты тасмасы менен актерлорун атады. Бул тууралуу The Hollywood Reporter порталы жазды.
Ага ылайык, кытайлык Хлои Чжаонун "Чабандес" фильми 2018-жылдын эң мыкты тасмасы деп табылды.
Экинчи орунду мексикалык Альфонсо Куарондун "Рома" тасмасы ээледи. Ошондой эле Куарон мыкты режиссер аталып, "Рома" киносу чет элдик тасмалардын мыктысы болду. Анда 1970-жылдардагы мексикалык үй-бүлөнүн турмушу баяндалат.
Үчүнчү орунга түштүккореялык Ли Чхан-дондун "Жалындоо" (Burning) тасмасы татыды.
Ал эми мыкты актер деп "Пастырдын күндөлүгү" тасмасындагы башкы ролду ойногон Итан Хоук аталды. Мыкты актриса наамы "Фаворитка" киносунда роль жараткан Оливия Колманга берилди.
