БИШКЕК, 5-янв. — Sputnik. Жекшемби күнү республиканын бийик тоолуу аймактарында кар жаашы күтүлөт. Батыштан соккон шамалдын ылдамдыгы секундасына 1-6 метрге жете турганын Кыргызгидромет маалымдады.
Чүй облусунда +1…+6, Талас өрөөнүндө —2…+3 градус, Ош, Жалал-Абад жана Баткен облустарында 0…+5, Ысык-Көл жергесинде —2…+3 градус жылуу жана Нарын аймагында —2…-7 градус суук болот.
Ал эми Бишкек жана Ош шаарларында күн ачык болуп, абанын температурасы +2…+4 жылуу болору айтылды.
