БИШКЕК, 1-янв. — Sputnik. Жаңы жылга караган түнү Кыргызстанда 292 бөбөк төрөлдү. Бул тууралуу Sputnik Кыргызстан маалымат агенттигине Саламаттыкты сактоо министрлигинен билдиришти.
Жалпысынан 142 эркек бала жана 150 кыз жарык дүйнөгө келген.
"Түндө биринчилерден болуп Кара-Буура райондук төрөт үйүнөн эркек уул 4200 грамм салмакта төрөлдү, ал эми кыздар Кочкор жана Ак-Талаа райондорунан 2995 грамм салмакта жарыкка келишти", — деп айтылат маалыматта.
Саламаттыкты сактоо министрлигинен кошумчалашкандай, Бишкекте 66 төрөт катталган. Анын 28и эркек бала, 35и кыз бала. Биринчи төрөт №2 төрөт үйүндө, саат 00:05те болгон. Эркек уул 2750 салмакта жарыкка келген.
