БИШКЕК, 30-дек. — Sputnik. 31-декабрда түнкүсүн көпчүлүк аймактарда жамгыр жаап, тоо этектерине жана тоолуу аймактарга кар түшөт. Бул тууралуу Кыргызгидромет билдирди.
Ага ылайык, күндүз Нарын жана Ысык-Көл облустарынын кээ бир райондорунда кар жаашы мүмкүн, калган аймактарда жаан-чачын болбойт. Чүй, Талас, Ош, Жалал-Абад, Баткен облустарында туман түшүшү мүмкүн. Жолдор тоңуп, тайгалак болот.
Батыштан соккон шамалдын ылдамдыгы секундасына 2-7 метрден, Ысык-Көл облусунда 15-20 метрге чейин жетиши ыктымал.
Ал эми 1-январда жаан-чачын күтүлбөйт. 2-январда түнкүсүн кээ бир райондордо, эртең менен жана күндүз көпчүлүк аймактарда кар жаашы мүмкүн. Жолдор тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.
