Ишкерлик багытында жүргүзүлгөн реформалардын 42 пайызы ишке аша элек. Бул тууралуу Аскар Сыдыков Sputnik Кыргызстан радиосунун "Ачык кеп" программасында маек куруп жатып билдирди.
"Реформалардын бир бөлүгүнүн ишке ашпай калышына объективдүү себептер бар деп үмүт кылабыз. Балким тоскоолдуктар жаралып, кээ бир адистер өз ишин так аткарбай жаткандыр. Мамлекеттик органдарда башка маселелер каралып, бизнес жаатына убакыт тартыш болуп жатабы деп да ойлойбуз. Негизи каралчу маселелер арбын. Ишкерлик боюнча аткарылбай калган реформалар кийинки жылдын планына киргизилип, аны батыраак чечүүгө аракет кылуу керек", — деди Сыдыков.
Эске салсак, буга чейин "Биз Эксперт" аналитикалык борборунун серепчиси Улукмырза Осмонов ишкерликке байланыштуу нормативдик-укуктук актыларга жүргүзүлгөн реформалардын экономикалык пайдасы тууралуу айтып берген.
