Руслан Казакбаев: жакында Өмүрбек Бабанов Кыргызстанга келиши керек

© Sputnik / Табылды КадырбековЖКнын экс-депутаты Өмүрбек Бабанов. Архив
ЖКнын экс-депутаты Өмүрбек Бабанов. Архив - Sputnik Кыргызстан
Жазылуу
Депутат Руслан Казакбаев экс-президент Алмазбек Атамбаев Бабанов боюнча чындыктын бардыгын болбосо дагы үчтөн бир бөлүгүн айтканын билдирди.

БИШКЕК, 11-дек. — Sputnik. Өмүрбек Бабановдун Кыргызстанга кайтып келбешине эч кандай себеп калбай калды. Ал жакында мекенге келиши керек. Бул тууралуу Sputnik Кыргызстан агенттигинин кабарчысына Жогорку Кеңештин "Республика — Ата-Журт" фракциясынын депутаты Руслан Казакбаев билдирди.

Белгилей кетсек, кечээ, 10-декабрда, экс-президент Алмазбек Атамбаев "Апрель" телеканалына берген маегинде Бабанов улуттар аралык кастыкты козутпаганын жана ага Он-Адыр айылында айткан сөздөрү боюнча козголгон ишти токтотуу керек деген пикирин президент Сооронбай Жээнбековго айтканын билдирген. Буга мамлекет башчысы макул болгонун кошумчалаган.

Ал эми Жогорку Кеңештин депутаты Казакбаев экс-президент чындыкты айткандан кийин Бабановдун ишин жаппай коюуга себеп калбаганын билдирди.

"Кечээ экс-президент Алмазбек Атамбаев чындыктын бардыгын болбосо дагы үчтөн бир бөлүгүн айтыптыр. Мисалы, үч тараптуу сүйлөшүү болгонун билдирген. Ал сүйлөшүүнүн негизинде Бабанов саясаттан кетти, депутаттыгын тапшырып өзүнүн милдетин аткарды. Бирок иш жабылбай калбадыбы. Атамбаев Бабанов ортодо алданып калганы үчүн өзүн ыңгайсыз сезип жатканын да белгилептир. Эми мындай чындыктын бардыгы айтылгандан кийин ишти жаппоого себеп калбай калды көрүнөт", — деди Казакбаев.

Парламентарий ошондой эле атайын түзүлгөн комиссия да "Бабанов улуттар аралык кастыкты козуткан эмес" деген бүтүмдү чыгарып бергенин белгиледи.

Депутат ЖК 6-го созыва Омурбек Бабанов - Sputnik Кыргызстан
Бабановдун аргымактарынан тышкары дагы эмнеси бар? Тизме
"Биринчи түзүлгөн комиссия Өмүрбек Бабанов Он-Адырда айткан сөзү менен элди бөлгөн деген бүтүм чыгарганы менен, кийинки беш комиссия "Бабанов улуттар аралык кастыкты козуткан эмес" деген жыйынтыгын берди. Муну укук коргоо органдары акыйкат карашы керек", — деди депутат.

Ал эми "Республика — Ата-Журт" фракциясынын дагы бир депутаты Максат Сабиров Бабановго карата козголгон иш жабыла турган болсо, ал мекенге бүгүн кайтууга даяр экендигин маалымдады.

Жаңылыктар түрмөгү
0