БИШКЕК, 7-ноя. — Sputnik. Мамлекеттик салык кызматы Өмүрбек Бабановдун киреше жана чыгашасы тууралуу декларациясын жарыялады.
Эскерте кетсек, президенттикке талапкер болгон Өмүрбек Бабанов улут аралык жаңжалды козутууга айыпталып, ага карата кылмыш иши козголгон. Саясатчы ал маалда өлкө аймагында болгон эмес, кийинчерээк саясаттан кетип, Жогорку Кеңеш депутатынын мандатынан баш тарта турганын жар салган. Андан кийин бир иши боюнча тергөө токтотулган.
Мындан тышкары, 4,3 миллион сомго бааланган жылкыларды кармайт. Банк эсебинде 2,6 миллион сому бар. Ал эми кыймылдуу мүлкү 210,4 миллион сомго бааланганы айтылат.
Бабановдун жакын туугандары 9,5 миллион сомго чукул каражат тапкан. Менчигинде батир жана Toyota Land Cruiser Prado унаасы бар. Андан тышкары, баалуу кагаздар менен башка байлыгы 194,5 миллион сомго чамалап барса, акциялары 272,8 миллион сомду түзөт.
Буга чейин депутат Асылбек Жээнбековдун декларациясы жарыяланган.
