БИШКЕК, 27-ноя. — Sputnik. Премьер-министр Мухаммедкалый Абылгазиев ЕАЭБдин өкмөттөр аралык кеңешинин жыйынында биримдикке мүчө мамлекеттерге Кыргызстандын бир нече сунушун айтты.
Кеңири форматтагы жолугушууда өкмөт башчы ал демилгелер ЕАЭБдин алкагында кызматташууну тереңдетүүгө өбөлгө болорун белгиледи.
— биргелешкен ишкана түзүү максатында өлкөлөр аралык байланышты күчөтүү;
— мамлекеттер аралык программа түзүү жана айыл чарбасын колдоо механизмдерин иштеп чыгуу менен агро өнөр жай комплексин өнүктүрүү;
— ЕАЭБдин бирдиктүү бренди менен товарларды өндүрүү жана жайылтуу;
— өнүгүүнүн бирдиктүү илимий-технологиялык программаларын кабыл алуу.
Премьер-министр тар чөйрөдөгү сүйлөшүүлөр натыйжалуу болгонун, катышуучулар бир топ маселелер боюнча тил табышканын белгилеп кетти.
27-ноябрь күнү Минск шаарында Россия өкмөт башчысы Дмитрий Медведевдин төрагалыгы алдында ЕАЭБдин өкмөттөр аралык кеңешинин жыйыны болду.
