БИШКЕК, 12-ноя. — Sputnik. Кыргызгидромет 12-ноябрдан 18-ноябрга чейинки аба ырайынын божомолун жарыялады.
12 Жетинин айы 2018, 11:43
Ага ылайык, 12-ноябрда Ош, Жалал-Абад, Баткен облустарынын көпчүлүк аймактарында мезгил-мезгили менен кар жаайт. Чүй, Талас, Ысык-Көл, Нарын облустарында кар түшөт. Зымдарга жана бактарга суу кар жабышып бир катар оорчулуктарды жаратышы мүмкүн. Жолдор тоңуп, батыштан соккон шамалдын ылдамдыгы секундасына 5-10 метрден, Ысык-Көл жана Нарын облустарында 17-22 метрге чейин жетиши ыктымал.
13-ноябрда көпчүлүк аймактарга кар түшөт. Чүй, Талас, Жалал-Абад жана Ысык-Көл облустарында бурганактап кар жаайт. Батыштан соккон шамалдын ылдамдыгы секундасына 5-10 метрге чейин жетет.
14-16-ноябрда жаан-чачын күтүлбөйт. Жолдор тоңуп тайгак болот. Батыштан соккон шамалдын ылдамдыгы секундасына 4-9 метрге чейин жетет.
Ал эми 17-18-ноябрда өлкө аймагында жаан-чачын болбойт жана абанын температурасы жогорулайт.
