БИШКЕК, 11-ноя. — Sputnik. Ретривер породасындагы ит өзүнөн кичинекей итти "уурдап" кетүүгө аракет кылган видеосу социалдык тармакта жайылууда.
Кыска видео Twitter баракчасына жарыяланып, 10,5 миллиондон ашык жолу көрүлүп, 500 миңге жакын жолу бөлүшүлдү.
please enjoy this video i found on reddit of a dog trying to steal another smaller dog pic.twitter.com/tM82uk9XLE
— caitsgiving day parade (@chaeronaea) 7 ноября 2018 г.
Видеодо ретривер кичинекей ит менен ойногонго аракет кылганын көрүүгө болот. Анын ээси жетелеп жүргөн жибин жерге таштаганда ретривер аны алып башка жакка жетелеп кеткенге аракеттенген. Мындайды күтпөгөн ээси алардын артынан чуркап эптеп жеткен.
Социалдык тармактын колдонуучулары кичинекей ит ушунчалык жагымдуу болгондуктан алар деле аны жетелеп кетмектигин жазышууда.
