БИШКЕК, 15-окт. — Sputnik. Кыргызстандык мушкер Барчынай Узгенбаева WEF Global 14 турниринин алкагында өзбекстандык Халида Собирова менен беттешет. Бул туурасында уюмдун Instagram тармагындагы расмий баракчасында жазылган.
Кыргызстандык кулатуу эр таймаш федерациясынын эл аралык деңгээлдеги WEF Global турнири 10-ноябрда Бишкекте өтөт.
Бул ирет WEF федерациясы мелдешти япониялык REAL FIGHT ARZALET FGC уюму менен биргеликте өткөрмөкчү. Ага Борбор Азия, Россия, Бразилия, Корея жана Япония мамлекеттеринин спортчулары катыша тургандыгы айтылат.
Собирова 61 килограмм салмак категориясында Өзбекстандын оксуз кармашуу (рукопашный бой — ред) спорту боюнча чемпиону.
Кыргызстандык мушкер ушуну менен WEF уюмунда үчүнчү кармашын тартуулайт. Турнирдин алкагында өзбекстандык Шахзода Рахимованы эки ирет утуп алган.
