Узгенбаеваны реваншка чакырган өзбек кыз кайра утулуп калды. Жеңиш ирмеми

© Sputnik / Табылды КадырбековМеждународный чемпионат по кулатуу WEF Global 12 в Бишкеке
Международный чемпионат по кулатуу WEF Global 12 в Бишкеке - Sputnik Кыргызстан
Жазылуу
Барчынай Узгенбаева өзбек спортчусу Шахзода Рахимованы WEF Global 12 турниринде колду кайруу ыкмасы менен утуп алган болчу.

БИШКЕК, 25-авг. — Sputnik. Кыргызстандык мушкер Барчынай Узгенбаева WEF Global 13 турниринин алкагындагы реванш беттеште атаандашын кайрадан утуп алды. Бул туурасында машыктыруучусу Кенжебек Чекиров Facebook баракчасы аркылуу билдирди.

Бул туурасында WEF уюмунун Instagram баракчасында дагы жарыяланды. 

Публикация от WEF GLOBAL Ⓜ (@wef_global) 25 Авг 2018 в 1:02 PDT

ММА боюнча мелдеш кечээ, 24-мартта, Чолпон-Ата шаарында өткөн.

WEF: Барчынай Узгенбаева атаандашынын колун кайрып утуп алды... Кармаштын видеосу - Sputnik Кыргызстан
WEF: Барчынай Узгенбаева атаандашынын колун кайрып утуп алды... Кармаштын видеосу
Чекировдун айтымында, Узгенбаева Өзбекстан командасынын суранычы менен реванш кармашка макулдук берген.

Эске сала кетсек, Барчынай Узгенбаева өзбек мушкери Шахзода Рахимованы ушул жылдын 14-майында WEF Global 12 турниринин алкагында колду кайруу ыкмасы менен утуп алган болчу

Ал эми кечээги кармашта алгач калыстар экөө тең чыкты деген чечим чыгарган. Бирок Узгенбаеванын машыктыруучулук штабы макул болбой калыстарга нааразычылык билдирген. Мындан улам беттеш кайрадан каралып, жеңиш кыргызстандык спортчуга ыйгарылды. 

"Мушкерлер партер абалында иштеди. Барчынай бул жаатта өзүнүн мыктылыгын көрсөтүп, көбүрөөк упай топтоп жатты. Атаандаштын да аракети күч экен. Калыстардын кесипкөйлүгү мелдеш уюштурган тараптын макамын бекемдейт. Кайрадан беттешти карап чыгып, адилеттүү чечимге келгениңиздерге ыраазычылык", — деп жазган Чекиров. 

Барчынай Узгенбаева — грэпплинг боюнча Азиянын эки жолку чемпиону, панкратион боюнча КРдин чемпиону. ММА боюнча үч профессионалдуу беттештин жеңүүчүсү. Тарбияланган клубу — Fighter KG, машыктыруучусу — Кенжебек Чекиров. Каймана аты — "Багира". 22 жашта.

Жаңылыктар түрмөгү
0