Үсөнов: жаш футболчуларга мүмкүнчүлүк түзүп бериш керек
Аймактардагы жаштар спорт менен машыгууга суусап турат. Мындай пикирин Талант Үсөнов Sputnik Кыргызстан радиосунун таңкы эфиринде маек куруп жатып билдирди.
Анын айтымында, жаш таланттуу балдардын саны арбын.
"Бизде мыкты, таланттуу футболчулар бар экен. Болгону аларга колдоо жетишпей келет. Ошондуктан биз "Лидер" социалдык долбоорун ишке ашырып, чымыны бар балдарды тарбиялап жатабыз. Биздин максат — аларга жол көрсөтүү жана талантын өстүрүү. Азыркы кезде футболдук беттештердин баары эле коммерциялык болсо, бизде эч кандай тыйын маселеси жок. Катышуучулар үчүн баары бекер", — деди Үсөнов.
Ал оюнчулардын футбол ойноп жатканын онлайн түрүндө чет элдик машыктыруучулар көрүп, өздөрүнүн командаларына чакырып калышы мүмкүн экенин кошумчалады.
