"Кыз Бурактын" экс-солисти дүйнөлүк сулуулук сынагына катышууда. Сүрөт

© Sputnik / Рамиль Ситдиков / Медиабанкка өтүүФинал конкурса "Мисс Россия-2018"
Финал конкурса Мисс Россия-2018 - Sputnik Кыргызстан
Жазылуу
Баш байге үчүн 40 өлкөдөн келген бийкечтер ат салышып жатат.

БИШКЕК, 5-окт. — Sputnik. "Кыз Бурак" тобунун мурдагы ырчысы Азалия Дүйшөналиева Малайзияда өтүп жаткан Miss Cosmopolitan World 2018 сулуулук сынагында Кыргызстандын намысын коргоодо. Бул тууралуу конкурстун расмий сайтында жарыяланды. 

Ушул аптанын башында Куала-Лумпур шаарында башталган сынак октябрь айынан ортосуна чейин уланмакчы.

Сынактын финалы 19-октябрь күнү болот.

Баш байге үчүн дүйнөнүн 40 өлкөсүнөн келген сулуулар ат салышып жатат.

Дүйшөналиева өзүнүн Instagram баракчасында сынактагы жаңылыктар менен бөлүшүүдө.

Азыр Дүйшөналиева өз алдынча ырдап жүрөт. Төрт жыл мурда "Кыз Бурак" тобунда эмгектенчү.

Miss Cosmopolitan World сынагы Малайзияда үчүнчү жолу өткөрүлүп жатат. Былтыр анда индонезиялык сулуу биринчи орунду алган.

Жаңылыктар түрмөгү
0