БИШКЕК, 5-окт. — Sputnik. Кыргызстандын финансы рыногун жөнгө салуу жана көзөмөлдөө боюнча мамлекеттик кызматы базарлардагы сатуу түйүндөрүн камсыздандыруу боюнча кожоюндарын милдеттендирүүнү сунуштап жатат. Бул тууралуу мыйзам долбоору өкмөттүн сайтында жарыяланып, коомдук талкууга коюлду.
ӨКМдин маалыматына караганда, 2013-2017-жылдары базарлардын аймагында 138 өрт чыккан. Анын кесепетинде 16 адам жабыркап, жалпы 929 миллион сомдук чыгым келтирилген.
Финансылык көзөмөл органынан билдиришкендай, ӨКМ буга чейин эле капиталдык курулуш, турак жана киши жашабаган имараттарды камсыздандыруу боюнча демилге көтөрүп чыккан. Бирок документ Жогорку Кеңештин кароосунан өткөн эмес.
