Бүгүнкү күндө кылкандуу дан эгиндерин жыйноо иштери дээрлик аяктады. Бул тууралуу Адилет Нарынбеков Sputnik Кыргызстан радиосунун таңкы эфиринде маек куруп жатып билдирди.
Анын айтымында, бул жылы республика боюнча 254,3 миң гектар жерге буудай эгилген.
"Азыркы күндө кылкандуу дан эгиндерин жыйноо иштери Ысык-Көл менен Суусамыр өрөөнүнөн башка аймактарда аяктады. Бул жылы республика боюнча 254,3 миң гектар жерге буудай эгилип, анын 97,2 пайызы жыйналып бүттү. Былтыркы жылга салыштырмалуу 0,6 центнерге жогору түшүм алынды. Негизи малдын башы көбөйүп жаткандыктан тоют өсүмдүктөрүнө болгон суроо-талап өсүүдө. Бул себептен арпа, жүгөрү эгилген аянттар кеңейип баратат. Ал эми арпанын болсо 96 пайызы жайналып, 4 пайызы оруп-жыйноо алдында турат", — деди Нарынбеков.
Ал дыйкандардын көпчүлүгү сертификаттары бар үрөндөрдү эккендиктен, жакшы түшүм алып жатканын кошумчалады.
