Кыз киши апасынан үлгү алып, ага окшош болууну самайт. Ошондой эле уул балдарга караганда кыз киши ийкемдүү келип, тартиптүу болгусу келет. Бул тууралуу Кадиян Бообекова Sputnik Кыргызстан радиосунун эфиринде маек куруп жатып билдирди.
Анын айтымында, кээ бир чечимдерди чыгарууда ата-эне балага эркиндик бериши керек.
"Бала көп нерсени энеден үйрөнөт. Өзгөчө кыз киши энеден үлгү алып, ага окшошкусу келет. Кыздар табиятынан ийкемдүү болуп, баш ийип турат. Ал эми уул балдар өз билгенин жасаганды жактырышат. Мисалы мектепте деле балдарга караганда кыздар мугалимди угуп, эрежелерди аткарууну туура деп эсептешсе, балдар тартип бузуп, өз алдынча болууну самашат. Бул убакта энелер "балам кимди тартып калды" деп камсанашат. Мындай учурда кайгыруунун кереги жок. Балдар ал убакта өзүн издеп жаткан болот. Алар өз алдынча чечим чыгарууну табиятынан каалашат. Кээ бир чечимдерди чыгарууда ата-энелер балдарына эркиндик бериши керек", — деди психолог.
Ал мындын сырткары, үйдө ата дагы салмагын, ордун билдирип турса үй-бүлөдө жакшы мамиле сакталарын кошумчалады.
