Бишкекте жылына 240 миң тонна түтүн бөлүнүп чыкса анын 180 миңи транспортко таандык. Бул тууралуу Малик-Айдар Абакиров Sputnik Кыргызстан радиосуна маек куруп жатып билдирди.
Анын айтымында, мамлекет газ менен жүрүүчү автобустарды чыгарып, шаардын экологиясын коргой алат.
"Бишкекте жылына 180 миң тонна түтүндү автоунаалар бөлүп чыгарат экен. Бул түздөн-түз шаар жашоочуларынын ден соолугуна зыянын тийгизет. Ошондуктан өлкө өзү автобустарды чыгарып, аларды газ менен жүрө турган кылып, шаардык каттамдарга чыгарса болот. Ал автобустар акырындык менен карттык төлөө системасы менен тейленип калат. Учурда бул багытта атайын программа иштелүүдө", — деди Абакиров.
Ал газ менен жүргөн автобустар ишке кирип калса калктын капчыгына да жеңил болоорун кошумчалады.
