Таштандынын акчасын төлөп жатам деп аны көчөгө ыргыткандар бар. Биз мындай көрүнүштөргө көнүп деле калдык. Бул тууралуу Азамат Эркимбаев Sputnik Кыргызстан радиосунун таңкы эфиринде маек куруп жатып билдирди.
Анын айтымында, жаңы конуштун жашоочулары таштандыларын жумасына бир жолу чогултуп, көчөгө чыгарып койсо "Тазалык" ишканасынын атайын унаасы чогултуп кетет.
"Жер үйдө жашаган шаар тургундары, жаңы конуш жашоочулары үчүн жумасына бир таштанды чогулткан унаа жөнөтүлөт. Алар иш графигине карап кыдырып, тургундар чогултуп көчөгө чыгарып койгон таштандыларды алып кетишет. Бул үчүн алар жашоочулар 22 сом 50 тыйындан төлөшөт. Бирок үйүнөн чыккан таштандыны чогултуп койбой көчөгө чачып салгандары да болот. Бир нерсе айтсаң "акча төлөп жатпаймынбы" дешет. Биз мындайларга көнүп деле калдык. Унчукпай жыйнап кете беребиз, "— деди Эркимбаев.
Ал жарандарды жашаган аймактарын таза кармоого чакырды.
