БИШКЕК, 5-сен. — Sputnik. Бүгүн ремонт иштерине байланыштуу Бишкекте 16 көчө жабык. Бул тууралуу Sputnik Кыргызстан маалымат агенттигине мэриянын Капиталдык курулуш башкармалыгынын маалымат кызматы кабарлады.
"Бишкек шаарынын жолдорун оңдоо жана кайра куруу" долбоорунун алкагында төмөнкү көчөлөр реконструкцияланып жатат:
— Лермонтов көчөсү. Чүй проспектисинен Салиев көчөсүнө чейин; (15-сентябрда ачылат);
— Достоевский көчөсү. Анкарадан Лев Толстой көчөсүнө чейин (30-сентябрда ачылат);
— Кара-Жыгач жаңы конушу, Оберон көчөсү. Анкара көчөсүнөн Лев Толстой жолуна чейин (30-сентябрда ачылат);
— Лев Толстой көчөсү. 7-Апрелден Ауэзов көчөсүнө чейин (30-сентябрда ачылат);
— Баялинов көчөсү. Махатма Гандиден Исанов көчөсүнө чейин (1-октябрга чейин);
— Репин көчөсү. Түштүк магистралдан Күйүкова көчөсүнө чейин (1-октябрда ачылат);
— Осмонкул көчөсү. Жибек Жолу проспектисинен Курманжан датка көчөсүнө чейин (2-октябрда ачылат)
— Арча-Бешик жаңы конушу, Күйүкова көчөсү. Садыркуловдон Муромск көчөсүнө чейин (2-октябрга чейин);
— Тоголок Молдо көчөсү. Жибек Жолу проспектисинен Саадаев көчөсүнө чейин (30-октябрга чейин);
— Салтанат көчөсү. Кайназаров көчөсүнөн Патрис Лумумба көчөсүнө чейин (30-октябрга чейин);
— Токтоналиев көчөсү. Масалиевден Глиессер көчөсүнө чейин (30-октябрда ачылат).
"Бишкектин жолдорун кайра калыбына келтирүү" долбоорунун негизинде оңдолуп жаткан жолдордун тизмеси:
— Чүй проспектиси. 7-Апрель көчөсүнөн Төрөкул Айтматов жолуна чейин (түштүк бөлүгү 15-сентябрда ачылат);
— 7-Апрель көчөсү. Анкара көчөсүнөн Чүй проспектисине чейин (чыгыш тарап, 15-октябрда ачылат);
— Салиева көчөсү. Садовой кууш жолунан Ауэзов көчөсүнө чейин (15-октябрга чейин);
— Үмөталиев көчөсү. Фрунзе көчөсүнөн Бөкөнбаев көчөсүнө чейин (15-октябрга чейин);
— Садырбаев көчөсү. Семетей жолунан Масалиев көчөсүнө чейин жана Гагарин көчөсүнөн Лев Толстойго чейин (30-октябрда ачылат).
