БИШКЕК, 5-сен. — Sputnik. Түштүк Африкада жолтандабас айдаган жашы өтүп калган аял кол салам деген бейбаштардын шаштысын кетирип, артка кетүүгө аргасыз кылганын The Daily Mail жазды.
Гаутенг шаарында болгон окуя камерага түшүп калган.
ROBBERS MEET THEIR MATCH. WATCH HOW VICTIM DOES NOT OPEN HIS DOORS AFTER BEING FOLLOWED INTO DRIVEWAY & INSTEAD RAMS PERPS MV!!! pic.twitter.com/gnxRx0qA6s
— REZA (@crimeairnetwork) 31 августа 2018 г.
Басылманын маалыматына караганда, аял короосуна жуп кирип келгенде, артынан тапанча көтөргөн үч киши сая түшүп, автоунаасынын терезесине курал такаган. Ал коркуп, далбастап калбастан, автоунаасын артка айдап, дарбазасынын оозунда турган каракчылардын минивэнин бир нече ирет сүзгөн. Мындай кадамды күтпөгөн куралчандар акырында машинасына түшө качкан.
Социалдык тармактагылар мунусу менен аял тобокелге барганын, окуя кайгылуу бүтүшү мүмкүн болчу деген пикирлерди калтырган.
