БИШКЕК, 4-сен. — Sputnik. Казакстандын Саламаттык сактоо министрлигине химиялык бычууну ишке ашыруу боюнча биринчи тапшырык түштү. Бул тууралуу Sputnik Казакстан агенттиги билдирди.
Саламаттык сактоо министринин орун басары Лязат Актаеванын айтымында, химиялык бычууну ишке ашыруу боюнча министрликтин жарлыгы жыл башынан тарта күчүнө кирген. Ал үчүн республикалык бюджеттен акча бөлүнгөн. Актаева мындай процедура соттун чечими чыккандан кийин гана ишке аша турганын кошумчалады.
Ал биринчи жолу химиялык бычуу кимге жана кайсы аймакта болорун тактаган эмес.
