2008-жылдагы Пекин Олимпиадасынын декорациялары менен анын өтүшүнө көрк берген курулуштар азыр мышык ыйлай турган абалда калганын Sputnik Өзбекстан жазды. Алардын каралбай дат баскан, унутулган, талкалана баштаган, ээн калган сүрөттөрү жарыяланды.
Бейсбол комплекси түрттүрүлүп, анын ордун таштанды ээлептир. Олимпиада менен Паралимпиаданын белгиси болгон жандыктардын жасалган ири элестери ар кай жерде калган.
Эксперттер адаттагыдай чыгым көп жумшалып курулган жана сейрек колдонула турган курулуштар Олимпиада өткөргөн тараптардын баш оорусу экендигин айтып келишет.
Пекинде 2008-жылы курулган олимпиадалык жай. Отургучтарды да чөп басып кетиптир. Бирок сыры өчпөптүр
Милдетин аткарды, эми кереги жок. Тикенек зым менен курчалган, ачык асман алдында калып, дат баскан жай
Четинен урап баштаган спорттук объектилер. Бул жерди Олимпиададан кийин кишинин буту баспай калган
Пляж волейболу үчүн коюлган ири желдеткичтер азыр эч кимге кереги жок турат
Өңү өчүп, чаң баскан "Пекин-2008"
Байдарка жарышы үчүн курулган комплекстин азыркы абалы
Кезегинде миллиарддаган адамдардын көңүл борборунда турган жай
Дат баскан логотип
Оттун символун берген Хуаньхуань куурчагы. Бул Пекиндеги Олимпиада оюндарынын беш символунун бири эле
Олимпиада-2008дин дагы эки символу: Нини чабалекейи менен Инин антилопасы
Паралимпиада-2008дин талисманы — Фу Ниу Леле аттуу уй
