Догурунган го! Айыппул салган офицерди турист аял жаакка чаап жиберген видео

Жазылуу
Чыр чыгарган турист аял учакка кое берилбей, каттамынан кечиккен.

Улуу Британиялык турист Балидеги аэропортто эскирип кеткен виза үчүн айып салганда иммиграциялык офицерди жаакка бир салган. Бул тууралуу News.com.au сайты жазып чыкты.

Видеого аял аскер формасындагы кишини чаап жибергени, берки жагын сыйпалап туруп калганы тартылып калган.

Ысык-Көл жээгиндеги эс алуучулар. Архив - Sputnik Кыргызстан
Бутуңду чечип кирчи! Туристтер кыжырды кайнатканда
42 жаштагы аял Сингапурга учуу үчүн Балидеги Нгурах-рай деп аталган эл аралык аэропортко келген. Паспорт көзөмөлүнөн өтүп бара жатканда офицерлер туристтин бир айга ачылган визасынын мөөнөтү 18-февралда эле өтүп кеткенин байкап калышкан.

Кызматкерлер аялга ар бир өтүп кеткен күн үчүн 25 доллардан төлөй тургандыгын эскертишкен. Өлкөдө 160 күн мыйзамсыз жүргөндүктөн, ал айыппул 4000 доллар болгондугун эсептеп беришкен.

Муну уккан туристтин жаалы келип, кыйкырык-чуу салып, офицердин колунан паспортту жулуп алууга аракет кылган. Кызматкер паспортту туристтин колунан алып койгондо, жаактан арып чаап жиберип, андан сырткары сөгүп, урушканга да жетишкен.

Паспорт көзөмөлүнүн аймагында болгон чатак тууралуу кызматкерлер полицияга кабарлашкан.

Чыр чыгарган турист аял учакка кое берилбей, каттамынан кеч калган. Индонезиянын Иммиграциялык кызматынан аял айып пулду төлөмөйүн, үйүнө кетпей турганын эскертишкен.

"Мыйзам боюнча ар бир турист документтеринин мөөнөтү өтүп кетсе, айыпка жыгылат. Эгерде аны төлөөдөн баш тартса, камалат", — деген эрежени айтып беришкен.

Буга чейин интернет айдыңында мушкер кыз атаандашын өөп жиберип, жаакка жеген видео тараган.

Жаңылыктар түрмөгү
0