Жарандын трюк көрсөтүп жаткан учурундагы окуяны көрүүчүлөрдүн бири видеого тартып алган. Аны New York Post басылмасы өзүнүн YouTube каналына жүктөдү.
Кадрда көрүнүп тургандай, үйрөтүүчү эрдигин көрсөтүш үчүн колун жырткычтын оозуна салган. Анын билеги толугу менен крокодилдин оозуна киргенде жырткыч аны тиштеп, оозун ачпай койгон. Бактыга жараша киши колун эптеп чыгарып алган.
Кийин үйрөтүүчү 45 жаштагы Дао аттуу киши экени маалым болду. Жырткычтын ээси Донг Виттаваттын айтымында, жабырлануучу катуу жаракат алган эмес.
