БИШКЕК, 30-июл. — Sputnik. Тажикстандын ички иштер министри Рамазон Рахимзода Дангар районунда чет элдик туристтердин өлүмүнө себеп болду деген беш версияны атады. Бул тууралуу Sputnik Тажикстан маалымат агенттиги жазды.
Билдирүүгө ылайык, туристтер жол кырсыгынан, куралдуу кол салуу, тоноо, атайылап өлтүрүү жана терактыдан каза табышы мүмкүн. Ал ошондой эле азыр бул окуя боюнча кылмыш иши козголо электигин, бирок жакын арада өлкөнүн Башкы прокуратурасы бул иш менен алектене турганын айтты.
"Аталган окуя боюнча тергөө тобун башкы прокурор Юсуф Рахмон өзү жетектейт", — деди министр.
Тажикстандын президенти Эмомали Рахмон туристтердин өлүмүнөн улам үч мамлекеттин башчысына көңүл айтты.
Учурда бул кылмыш ишине шектүүлөрдү кармоо аракеттери көрүлүүдө. Алдын ала маалымат боюнча туристтерди "ДЭУ Леганза" үлгүсүндөгү автоунаа келип сүзгөн. Окуядан кийин автоунаа кырсык болгон жерден изин жашырган. Бирок бир аздан соң машина Дангар районунун Торбулак айылынын аймагынан табылган.
