БИШКЕК, 30-июл. — Sputnik. CladeX деген вирус дүйнөлүк масштабдагы эпидемия коркунучун жаратышы мүмкүн. Бул тууралуу Жон Хопкинс университетинин окумуштууларына шилтеме берип Science Alert басылмасы жазды.
Изилдөөчүлөрдүн айтымында, учурда сасык тумоонун жаңы түрүн 400гө чукул адам жуктуруп алган. Вирус Германия менен Венесуэладан тарай баштаган.
"Муну оңой эле жуктуруп алса болот. Биринчи белгилери — жөнөкөй сасык тумоо же кызылча оорусундай эле. Бирок коркунучтуусу адам өмүрүн алып коюшу толук ыктымал. Убагында дарыланбаган адам энцефалит менен жабыркап, комага түшүп калышы мүмкүн", — деп окумуштуулар билдирди.
Алар ошондой эле эң коркунучтуусу — убагында вакцина чыгарылбаса, вирус сасык тумоодой эле тез тарай баштайт.
