БИШКЕК, 24-июл. — Sputnik. Ысык-Көлдө Орус православ чиркөөсүнүн Кыргызстандагы епархиясынын юридикалык кызматынын башчысынын орун басары Александр Стручалин Ысык-Көлгө чөгүп кетти. Бул маалыматты Sputnik Кыргызстан агенттигине аталган өкүлчүлүктөн тастыкташты.
Ал аялы, балдары менен Жети-Өгүз районундагы "Натали" пансионатында эс алып жүргөн. 23-июль күнү болжол менен саат 12.00дөр чамасында ошол арада кыз айдап жүргөн скутердин мотору өчүп, суунун ортосуна калган. Адамдын кооптуулукта турганын көргөн Стручалин суунун ортосун көздөй сүзүп жөнөп, жарым жолго жеткенде, жок болуп кеткен.
"Кыз жээктен 60 метрдей алыстыкта калып калган. Александр жагдайды түшүнгөндөн кийин дароо эле сүзүп жөнөгөн, бирок орто жолго жеткенде көрүнбөй калган", — дешти өкүлчүлүктөн.
Анын сөөгүн суучулдар эки күндөн бери издеп таппай жатат.
Александр Стручалин буга чейин экс-вице-премьер Панкратовдун жардамчысы да болуп иштеген. Артында үч баласы калды.
