БИШКЕК, 20-июл. — Sputnik. Жалал-Абаддагы балдардын психо-неврологиялык ооруканасынын курулушунан аткаминерлер мамлекетке 17 миллион сомдук чыгым келтирген деп шектелип жатат. Бул тууралуу УКМКнын маалымат кызматынан билдиришти.
Жыйынтыгында, тендерге катышкан компаниялардын бири анын жыйынтыгы менен макул эместигин айтып чыккан. Мындан улам түзүлгөн ведомстволор аралык комиссия аталган башкармалыкка "Мамлекеттик сатып алуулар боюнча" мыйзамдын чегинде чечим кабыл алууну талап кылган.
"Бирок башкармалык комиссиянын талабын аткарбай, тендердин жеңүүчүсү менен келишим түзүп койгон. Аудитордук текшерүүлөрдүн жыйынтыгында мамлекетке 17 миллион сомдон ашуун зыян келтирилгени аныкталды", — деп айтылат билдирүүдө.
Бул факты боюнча Кылмыш жаза кодексинин 304 (Кызматтык абалынан кыянаттык менен пайдалануу) жана 306-беренелери (КР кызыкчылыгына каршы келишим түзүү) менен кылмыш иши козголду.
